Obradoiro de zancos

Fixemos zancos coa profe Marisa. Recortamos cilindros de cartón, un de 1 metro, outro de 20 cm, 2 de 15 cm e 1 de 10 cm Colocámolos como podes ver e pegámolos con cinta adhesiva. Aquí os tedes

E así quedou por fin o noso patio. Foron moitas horas, moitas pasadas co pincel, algúns pantalóns e camisetas manchadas, pero pagou a pena para ver como rematou. A que si???

Obradoiro de broches

Empezamos un obradoiro de broches, que imos facer nos recreos e cos que conseguiremos algúns cartos para as nosas excursións. Xa podes escoller o que máis che guste e pedírnolo. Pode ser un broche, un chaveiro, ou unha pinza para o pelo. Tamén podes pedir tamaño diferente e a túa cor favorita.

Última sesión de pintura

Si, por fin rematamos de pintar os debuxos do patio cuberto. E imos botar de menos saír de cando en cando a facelo. A profe di que aínda se vai pintar algo máis, pero que van ser os nosos pais e nais os que o van facer. Onde pintarán?

E así xogamos ás bólas

E en marzo AS CANICAS

Seguimos aprendendo, ou lembrando.... algún xogo tradicional máis.
Agora xogaremos ás canicas, ou ás bólas.... Xa temos preparados os guás.
Empezaremos martes os de terceiro ciclo, mércores os do segundo ciclo , xoves os do primeiro e o venres haberá que ir ensinar aos pequerrechos....
.....Se o tempo o permite

Esta semana: a mariola

Sesións de pintura

Aproveitamos o bo tempo para dar unha boa xeira á pintura do patio. Queda pouco para rematar: encher o ceo, perfilar, poñer o nome dos xogos....
Xa temos: a mariola, as carreiras de sacos, a petanca, os zancos, as canicas, o peón, ......
Vai vendo, dentro duns días poñeremos as fotos co traballo rematado.

A mariola

Veu o bo tempo, e por fin podemos xogar fóra. Agora preparamos o patio para xogar á mariola. A semana vindeira vannos ensinar.

OBRADOIRO DE MÁSCARAS

Aquí están as fotos da actividade destas dúas últimas semanas.
Nos recreos houbo un obradoiro de máscaras.
Alí fixemos máscaras con distintas técnicas, moi fermosas, ....ou moi arrepiantes.

Tres en raia

Tampouco se puido xogar ao tres en raia no exterior, pero ben que o pasamos dentro.

Pintura cooperativa no patio

Por fin  . e despois de dous meses de esperar a que parase de chover e o vento , poidemos dedicar un día a pintar de novo no patio. Xa temos as carreiras de sacos, as chapas e case está rematada a mariola.

Seguiremos con máis xogos.....

Xogos tradicionais, antes e agora

Despois de traballar arredor da obra Xogos de nenos e nenas de Pieter Brueghel, fixemos esta selección de imaxes de xogos, tal e como  nolas ensinaba Brueghel e como xogamos agora.

Antes e Agora by Chelo Alvarez Veira

E xogamos tamén en febreiro

A pesares de tanta chuvia e tanto vento, imos continuar aprendendo a xogar. E tamén a facer máscaras, para preparar o Entroido. Aquí tes o plan do mes de febreiro e as regras do xogo tres en raia, ao que imos xogar fóra, ou dentro según nos permita a meteoroloxía.

Investigando a Pieter Brueghel

CLUB CICLISTA

Durante este curso estamos contactando co tecido asociativo do pobo para coñecer as distintas opcións de ocio que pode ter o noso alumnado. Esta semana visitounos o CLUB CICLISTA co que fixemos unha ximcana no patio cuberto. Foi moi divertido, e xa hai un par de nenos e nenas interesadas en saír de paseo con eles os fins de semana.

E para os pequerrechos e pequerrechas tamén temos actividades

Xogos de nenos e nenas. infantil from Chelo Alvarez Veira

E para colorear o cadro on line

Preme na imaxe e ..... a pintar.

Para coñecer mellor a Pieter Brueghel

"Xogos de nenos e nenas" de Pieter Brueghel

Coñecemos o cadro Xogos de nenos e nenas de Pieter Brueghel, no que descubrimos que os rapaces e rapazas de hai 500 anos eran moi parecidos a nós, e tiñan xogos moi parecidos. Nestes documentos que podes descargar hai moitas actividades para coñecer mellor ese cadro, esa época, e por suposto os xogos aos que xogaban .

Xogos 3º ciclo from Chelo Alvarez Veira